IniciosociedadeAs pernoitas na Mariña aumentaron un 40% en oito anos

As pernoitas na Mariña aumentaron un 40% en oito anos

Os concellos costeiros da bisbarra rexistran a maior presión turística de Galicia, só por detrás dos municipios da Ría de Arousa

Publicada o

- Advertisement -

O número de noites que os viaxeiros pasan nos aloxamentos da Mariña Lucense incrementouse nun 40 por cento nos últimos oito anos. En 2018 rexistráronse 408.741 aloxamentos fronte aos 290.278 de 2011, segundo o informe sobre demanda turística que publicou este venres o Instituto Galego de Estatística (IGE).

O maior crecemento produciuse entre 2014 e 2015, cando o número de noites contratadas aumentou en 44.600. Nas dúas seguintes anualidades, o crecemento medio rondou as 25.000 mentras que no último ano, entre 2017 e 2018, se reduciu a unhas 3.600.

a bisbarra, co 2,65% da poboación galega, rexistrou o 4% das estancias de viaxeiros en galicia

A bisbarra rexistrou o 4% das estancias dos viaxeiros en Galicia, que superaron os dez millóns -A Mariña supón o 2,65% da poboación galega-.

ESTACIONALIDADE

O estudo tamén revela que a estacionalidade baixou de forma notable nos dous últimos anos. Mentras que en 2016, a metade das pernoitas se rexistraban en xullo e agosto, en 2018 a porcentaxe reducise ao 32,6 por cento.

a comarca seduce cada vez máis fóra de xullo e agosto. o impacto destes meses no total de viaxeiros anual pasou do 50% no 2016 ao 32,6% no 2018

PRESIÓN TURÍSTICA

O estudo, baseado nos datos de ocupación de hoteis, campings, apartamentos e aloxamentos rurais, relaciona o número de noites coa poboación da bisbarra para cuantificar a incidencia do turismo na zona.

Este indicador sinala que os concellos costeiros –Ribadeo, Barreiros, Foz, Cervo, Xove, Viveiro e O Vicedo– son os que rexistran unha maior presión turística, só por detrás dos da Ría de Arousa.

A costa lucense soporta unha presión media de 1,78 viaxeiros por cada 100 residentes

A poboación destes municipios soporta unha presión media de 1,78 viaxeiros por cada 100 residentes, moi por riba da media de Galicia que se sitúa en 1,12.

PROCEDENCIAS

O informe do IGE tamén estuda a orixe dos viaxeiros que se aloxaron nos establecementos turísticos. O 67 por cento dos turistas que pernoitaron na Mariña procedían de fóra de Galicia. Unha porcentaxe que só superan outros tres destinos galegos, Terras de Santiago, Baixo Miño e Costa da Morte.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...